，如果唔系，我谂阿爸在场嘅时候唔会容许j虫伟讲出财产收藏嘅真相！」
英:「你同阿昌先出去打波，我就留喺屋企呢度检查佢部电话里面有冇藏有j虫伟号码！」
和:「好，妈，你揾到嘅话立即call我！」
昌在背後大声道:「仲唔行？！喺度阿支阿左，有屎冇埞痾！……快啲啦，得唔得呀？」
差点儿等不及阿和反应过来他就已冲出门口走出去了。
英的搜索当然有所发现，她在昌的电话通讯录内看见收录了一位叫耿颂伟的人的电话号码，此人十分活跃，在昌的通话记录中频频出现。
英致电话给阿和再告之有关情况，他们锁定此耿颂伟为目标人物，然後打算引他出来，来一次彻底的盘问！
「伟哥，我系阿汉和呀。阿爸话有啲赌本收藏喺书柜入面，系社会保障基金一次x发放特许生果金，佢话畀你托管喎，你知唔知呢件事？」在电话中阿和对耿颂伟说。
「啊？冇喎，冇听见过喎。你畀佢同我讲？」
阿和一听便认出那是j虫伟的声线！那是他的一贯语气！
「我阿爸喺医院，佢宜家唔方便讲电话呀。」阿和答说。
j:「咁你等佢出院後先至同我讲喇！」
和:「佢揾咗人帮佢择日，一定要喺呢个礼拜之内去葡京酒店赌场落注，赶唔切等佢出院！」
j:「你揾我做咩啫？佢有赌本关我p事咩？」
和:「你唔系有钥匙咩？」
j:「唓！你问阿昌咪得罗！驶鬼揾我呀？」
和:「佢喺医院休养紧，头脑蒙查查。」
j:「我冇习惯帮佢落赌注噃，揾你去得唔得呀？」
和:「得！攞到钱就得?喇！」
j:「钱喺书柜入面？」
和:「柜入面好似仲有啲重要物品喺里面喎，系嘛？」
j:「呢层我唔知喎！你唔好问我！就算知我都未必会讲，事关佢话未系时候讲。」
和:「我哋出嚟至讲喇，好嘛？」
j:「佢话总有一日，我会知道适当时机畀你哋知道里面嘅物件。」
和:「你都有份？」
j:「或者，……我都唔清楚。」
和:「除咗贵重嘅物品，我相信冇嘢会收藏得咁密实。」
j:「我唔知道，唔好问我。」
和:「你系唔系有条开书柜嘅钥匙喺身上？」
j:「……呀……呀……」
和:「有冇？」
j:「你阿爸身上都有一条?，你问佢喇！」
和:「当然唔惊动佢老人家住，如果唔系，畀佢知道仲以为我哋谋住佢份家产添。」
j:「我身上冇你要嘅嘢！你放过我喇，大佬！」
和:「你唔攞条匙出嚟嘅话我哋会去报警！」
j:「嗱，你唔好玩咁大呀?！你要咩我畀咩你喇！」
……於是j虫伟答应了出来交还钥匙。
在新桥区的廖家父母住所，门铃声一响，阿和迳直跑往玄关那里将木门与铁闸打开，眼前站在门外的人赫然是j虫伟。
屋内除了阿和等候他的，还有锦英、咏恩和萧姑娘。
还有一位主角，是谁呢？
正是廖成昌自己。
j问阿和:「你又话唔畀阿昌知道你哋揾条钥匙，话怕佢误会你哋喺度争佢份家产？点解你畀佢喺度？」
和:「咁你带咗条匙嚟未？」
成昌:「咩匙呀？咩家产呀？关我咩事？」
j:「你个书柜呀！你唔系藏咗啲贵重嘢喺入面咩？」
昌:「……书柜……？」
和对j回覆:「你都见喇，佢宜家呢个状况，喺唔喺度，在唔在场与否已经唔重要。」
j:「佢喺巴士上讲电话嘅时候都好好地嘅喎，点解宜家咁？」
和:「佢嘅情况系，已经越病越重！……可能佢头脑谂嘢已经开始有问题，事关佢对书柜嘅事完全毫不知情。」
英:「呜……好辛苦！……佢痴呆……病到傻咗！」
j:「其实你哋有冇谂过佢嘅立场？一直以来佢几咁痛苦。一向你哋当佢发癫，以为佢自己同自己讲嘢，其实都看在阿昌眼里，清清楚楚知道你哋谂乜！你哋全部当佢黐线，其实真系大错特错！」
咏恩:「老爷唔系病情到咗不可恢复嘅地步喇咩？我亲眼见佢自言自语，唔系轻症噃！」
j:「你哋误会咗喇，其实佢不知几jg灵！」
和:「咩料呀？j虫伟，噏得出就噏，喺度耍花样？你咪以为我哋唔敢报警呀！你唔好谂住喺呢件事情上占到便宜！」
j:「呸，我自己有间舖收租，驶鬼占你廖家便宜咩？调转头讲口水昌攞我着数就差唔多……巴士上所谓装作有电话打入嚟，其实系我j虫伟打畀佢嘅。」
原来成昌在巴士上真的是在通电话。
耽美小说